Utlysing av midlar til prosjekt innan IKT-støtta utdanning og livslang læring 2011 - prekvalifisering. Søknadsfrist 12. mai 2010

Noregsuniversitetet lyser ut midlar til prosjekt innan IKT-støtta høgre utdanning og livslang læring for 2011. Alle norske høgre lærestader kan søkje.

Søknadsfrist for prekvalifisering: 12. mai 2010
Kontaktperson: Kontorsjef Vigdis Amundsen,
e-post vigdis.amundsen@norgesuniversitetet.no, tlf 77 64 59 57

Du finn utlysingsmateriellet her:

Noregsuniversitetet gir rettleiing og kan arrangere søkjarseminar i form av video- eller telefonkonferanse dersom det er interesse for det. For meir informasjon kontakt kontorsjef Vigdis Amundsen.

Prioriterte område:

pedagogisk utviklingsarbeid og bruk av IKT
samarbeid mellom arbeidslivet og høgre utdanning
opne digitale ressursar, deling og samarbeid

Øvre ramme for løyving er 1,5 mill. kr, pr prosjekt og det blir kravd minst 1/3 eigenfinansiering frå søkjarinstitusjonane. For store prosjekt med mange samarbeidspartnarar kan det vere aktuelt å krevje større eigenfinansiering. Det blir stilt krav til dokumentasjon og formidling av resultata.

Noregsuniversitetets søknadsskjema skal nyttast. Utfylt skjema skal sendast innan fristen som vedlegg til e-post til post@norgesuniversitetet.no. Alle søknader skal vere godkjente av den sentrale leiinga ved søkjarinstitusjonen. Oversendingsbrev om alle søknader, med underskrift frå den sentrale leiinga på institusjonen, skal innan fristen sendast til: Noregsuniversitetet, 9037 Tromsø.

Prosjekt som går vidare til andre søknadsrunden, blir informerte frå Noregsuniversitetet om dette etter ei fyrste vurdering, og blir bedne om å levere fullstendig søknad. Svar til søkjarane i første runde er planlagt til medio juni, og andre søknadsfrist om lag 1. november.